١- عرفنا عن نفسك، من هو مروان؟

شاب سعودي طموح جداً جداً 🔥💪 احب التحديات والمنافسات لانها راح تخليني ابذل جهد واتعلم اكثر واكثر و الفشل جزء من النجاح لانه يساعدك على انك تحاول مره واثنين لتصل إلى الأبداع 😍
استمتع بمساعدة الناس بذات في شي انا اعرفو ما احب ابخل في معلومة حتى لو كانت بسيطة، متفائل وايجابي جداً 😌💪اسعى لنقل ايجابيتي للناس، اتمنى دايماً يذكروني الناس بالخير و اني علمتهم لو شي بسيط فادهم 🥺.
احب اتعلم كل شي جديد لو ما اتعلمت شي نفسيتي ما ترتاح 😂🙈
🌟مهتم بالأمن السيبراني و بكل ما يخص التكنولوجيا 😈
و الان احضر لاختبار شهادة +security و بعدها ان شاءالله شهادة (ceh و oscp) 😍.
امنيتي اكون رائد اعمال في مجال الامن السيبراني
شعاري دايما ✨(النجاح ماله حدود🏆)✨

٢- ماهو تخصصك؟

تخصصي علم معلومات من كلية الحاسب و نظم المعلومات .💻

‏‎٣- ماهي أفضل المواد التي درستها بالجامعة؟

ادارة قواعد البيانات🛢
الشبكات📡
تصميم المواقع 👨🏻‍💻

٤-هل كان يوجد مهارات تطبيقية بالجامعة؟ واذا نعم ماهي، واذا لا لماذا برأيك؟

نعم كان يوجد في تصميم المواقع 😍والبرمجة بشكل اساسي و لكن بعض المواد التي لم يتم فيها التطبيق العملي كانت تدرس نظري و تحتاج للعملي😞 السبب في ذلك يكون من وجهة نظري هوا ان الشخص ملقي المعلومة تفكيره في كيفيه تأمين راتبه فقط و ليس مصلحه الطالب و سعيه لتثقيفه و تعليمه 😊.

٥- ماهو مستواك في الأمن السيبراني قبل الدخول في المعسكر السيبراني المستوى الأول؟

كان مستواى مبتدئ جداً بمعرفة بعض المصطلحات.
دائما كان نفسي اطور من معرفتي🥺 لين دخلت تويتر وشفت تغريدة المعسكر السيبراني المستوى الأول😍
بديت اقرى عن المحتوى العلمي وشدني جداً جداً 😈😍 حبيت اجازف و ادخل فيه، و هذه كانت اول مره اتعلم فيها عن بعد بس كانت اجمل فرصة و اجمل ذكريات و اجمل نقلة في حياتي 🥺 .
اتعلمت اشياء مره كثير عن اوامر لينكس رغم كانت عندي خلفية عن نظام لينكس بس ما كنت اعرف استخدمو لين بديت المعسكر و اتعلمت و طورت نفسي و انا الان محترف في لينكس الحمدلله 😍🙏🏻

٦- هل التدريب اونلاين كان مفيد لك؟ ولماذا؟

نعم مفيد جداً 👍😍يعطيني فرصه أن اجرب اشياء جديده و اخذ راحتي في التدريب و سهولة الرجوع للمحاضرات و تدوين الملاحظات و جعل الطالب حر اثناء المحاضره .

٧- هل كان التدريب عن بعد مناسب وانت في البيت؟ وكيف كان دور العائلة؟

نعم مناسب جداً في وقت جائحة كورونا او غيره يساعد التدريب عن بعد على اعتماد الطالب على نفسه وتعلم طريقه البحث العلمي و عدم اعتمادة على المصادر الموجودة .
اما في المعسكر فكان التدريب عن بعد بمثابة متعة تعليمية 😈بسبب تفاعل المتدربين اثناء البث و بسبب الفريق القائم على المعسكر من مدربين و فريق الدعم الفني😍 وسهولة إيصال المعلومة و حل المشكلات اثناء المحاضره و بعدها ودائماً موجودين للمساعدة و بسرعة تامة .
و يتم رفع المحاضره المسجلة على المنصة بعد حضورها .
✨(و شعارهم الاهتمام في الطالب اولاً)✨

٨- اذكر لي تجربتك في التدريب في المعسكر السيبراني؟

تجربة جميلة جداً😍 و لو تم إعادتها ماعندي مانع
استفدت مره كثير و اتعلمت اشياء ما كنت متوقع اني اتعلمها في يوم من الايام مجرد التفكير في مواضيع المعسكر و التطبيقات الكثيره 😈 اللي اتعلمتها وجربتها ما اصدق انو في يوم من الايام انا الشخص اللي عرف واتعلم كل الاشياء هاذي 😍😌 شعور ما ينوصف و انت تشوف نفسك تمشي في طريق النجاح🥺💪.

٩- ماهي أهم المواضيع التي احببتها في المعسكر؟

مجموعة من المواضيع المثيرة و الجديدة علي كلها احببتها لانو فيها تطبيق عملي كثير 😈 .
و اذا بحدد اكثر موضوع حبيتو راح يكون اختراق المواقع 😈لانو موضوع جداً جميل يخليك تحلل و تفكر خارج الصندوق و كيفية عمل الموقع و الاتصال و البروتوكولات...الخ ماابغا اتكلم اكثر 😂 ابغاكم تجربو بنفسكم عشان تحسو بالمتعة اللي حسيتها 😍😈.

١٠- ماهي خطتك في التعليم اثناء المعسكر؟

♦️التركيز اثناء البث و تدوين بعض الملاحظات والمشاركة الفعاله مع المدرب .
♦️مراجعة المحاضرة المسجلة و تدوين الملاحظات بشكل اسهل👨🏻‍💻 .
♦️مشاركة اللي اتعلمتو مع اهلي و اصدقائي لانه يساعد على التفكير خارج الصندوق 🗃و استثمار قدراتي في مساعدة غيري 🙏🏻 .

١١- ماهو مستوى المدربين والمادة التعليمية والمنصة؟

مستوى جدا قوي 😍
❇️ المدربين: اكفاء و متميزين و فاهمين المحتوى اللي يقدموه 😍 ومتجاوبين في كل الاسئلة وهذا الشي شجعني اخذ دورات زيادة عندهم.
❇️ المادة التعليمية: ثريه جداً بالمعلومات و منظمة بشكل سلس للمبتدئين و جميلة في جعل الطالب يحلل و يفكر في حلول للاختراق الاخلاقي 😈
❇️ المنصة : متوفر فيها جميع ما يحتاجه الطالب ومقسمة بشكل ممتاز و فيها ايضاً المكتبة التفاعلية وهيا اهم شي في الموقع😍 للتطبيق اون لاين في حال مواجه مشكلة في الجهاز الشخصي جداً جميلة فيها انظمة تشغيل و مدربين للمساعدة في اي وقت.

١٢- هل تجربتك في مشاركة ما تعلمته في تويتر والواتس وغيرها كانت مفيدة؟ ولماذا؟

نعم مفيده 🔥💪جداً لأنها تساعدني على ترسيخ المعلومة وتحفزني لتعلم الكثير و تعليم غيري اللي اتعلمته و مشاركة كل معلومة جديدة اتعلمتها في مسيرتي المهنية 🔥💪 شي ايجابي و محفز لي و لغيري 😍.

١٣- من تأثر من تجربتك ؟

اول شخص تأثر من تجربتي هيا زوجتي 😂مع إصراري واجتهادي جاها فضول لدخول مجال الامن السيبراني وأعجبت بالمجال وشاركت في العديد من الدورات وكانت معي في دورة chc تبع المعسكر 😍😈وهي الان تتعلم البرمجة 🔥💪 في معسكر البرمجة في اسبوع .
طبعاً مع فترة الحجر المنزلي علمتها على أوامر كالي لينكس و تحمست للمجال اكثر 😈💪 .

١٤- ماهي اصعب المفاهيم التي واجهتك وماهي خطتك لتعملها؟

نواجه دائماً مفاهيم صعبة😞 و لكن نسعى دايماً للتعلم وتطوير الذات 😈💪عشان كدا مافي شي صعب كلنا نقدر نفهم و نتعلم ونقهر المستحيل .
اصعب المفاهيم كانت في دورة اختراق المواقع ليست صعبة و لكن الطرق و تشابكها مع بعض سببت مشكلة في فهم بعض المفاهيم .
الخطة عشان اتعلمها الاجتهاد في التعلم وتحليل الطرق و التفرقه في ما بينها والتطبيق الكثير حتى التعود على الطرق وطريقة تحليل كل طريقه للهدف الاخلاقي فقط 😈🙏🏻 .

١٥- اذكر لنا موقف مضحك في المعسكر؟

موقف طريف كان 😂 في دورة chc انا و زوجتي نتنافس و نشارك و نتحدى مين يكون الافضل بيننا اثناء البث وخارج البث 😂🙈 كنت اخليها تفوز في التحديات عشنها زوجتي 😂😌 .

١٦- ماهو التطبيق الذي اندهشت عند معرفته وشاهدته في المعسكر؟

مجموعة من التطبيقات الاحترافية في المعسكر اللي تعجبت منها انو ممكن اشخاص عادين مثلنا نقدر نتعلم ونوصل للاحتراف 😈 :
♦️الدخول على الجهاز و التحكم الكامل فيه و تصوير المستخدم و تسجيل الصوت و غيره 😍 .
♦️التحكم في مجموعة من الاجهزة بدون مستخدميها ما يعرفو و عمل هجمه على هدف و المخترق بعيد في مكان ثاني عبر شبكة أخرى لا يمكن معرفته الا بصعوبة😈 .
🔴(الهدف كان منها للتعلم الأخلاقي والحماية من المخترقين 👹)🔴
♦️الادوات المستخدمة في اختراق المواقع🔥 تحتاج تحليل و تفكير خارج الصندوق قبل الاستخدام 😍 الشي اللي يخليها ممتعة و مدهشة .
♦️كيفية معرفة كلمة المرور لأي جهاز او موقع او اي شي له كلمة مرور بخوارزميات معينه 😍😈🔥 .

١٧- ماهو مستواك ببعد المعسكر مقارنة قبل المعسكر؟

فرق جداً واضح قبل و بعد :
قبل المعسكر 😫:
مستوى مبتدأ و لكن لدي بعض المفاهيم اللي اتعلمتها بالبحث و محاولة التعلم قبل دخول المعسكر.

بعد المعسكر 😍💪:
اتغيرت نظرتي لعالم الامن السيبراني و تكنولوجيا المعلومات 🔥💪 بشكل كااامل جداً تفكيري سار في ريادة الاعمال في مجال الامن السيبراني (شي استمتع فيه 🔥🥺).
أصبح تفكيري غير و الخبرات السابقة اللي كانت عندي مشتته وغير منتظمه فبدأت اعرف استغلها و استخدمها 😍 و ارتبها.
✨(بداية طريق جديد 🔥💪)✨

١٨- هل تتوقع ان الطالب السعودي يستطيع تعلم الأمن السيبراني والتميز به؟

نعم يستطيع 😈🔥سواً الطالب أو الطالبة بس كل اللي عليك تسويه ابداء من الان التغير من نفسك و افضل استثمار يكون في نفسك اولاً لأنو الراجع من الاستثمار هذا شي عظيم و مفيد لك انت محد ثاني غيرك ابدء بوضع خطة و استثمر في نفسك = توصل لهدفك🔥💪

١٩- ماهي رسالتك لكل التقنيين السعوديين والعرب؟

♦️لا تخلي احد يحطمك في يوم من الايام🔥💪 .
♦️انشر الثقافة التقنية لكل شخص صغير او كبير🥇 .
♦️لا تبخل على احد في يوم من الايام بمعلومة حتى لو تافهه 😒.
♦️لا توقف عند هذا الحد و استمر في التعلم و إفادة بلدك و اهلك 🇸🇦💓 .

٢٠- هل لديك أي تعليق اخير؟

أشكر جميع القائميين على تيك كامبس 🥺مدربين وفريق دعم فني لجهودهم على تطوير الشباب والشابات العرب بشكل عام و حرصهم الدائم على تطويرنا .
و كل شخص مر هنا و شاف المقالة حابب انصحك بالنصايح التالية :
♦️أستفيد من الوقت اللي انت في فرصة لا تقدر بثمن.
♦️لا تخلي العلم اللي اتعلمتو يوقف عندك حاول واسعى لنشر العلم .
♦️مافي احد اتولد متعلم اجتهد و توصل 🔥💪
♦️يومك لا يضيع او ينتهي بدون ما تتعلم شي او تتقن مهارة جديدة حتى لو بسيطه🔥💪
♦️احذر من الأحباط و تذكر أن الفشل هوا أن لا تحاول‼️😍😈


حساب المبدع مروان في تويتر